स्थानिक गुन्हे शाखा, साताराची मोठी कारवाई…

सातारा जिल्ह्यात अंमली पदार्थांविरोधात मोठी कारवाई करत अंमली पदार्थ नाश समितीने एकूण 509 किलो वजनाचा व ₹64,13,147/- किमतीचा गांजा, गांजाची झाडे व अफूची झाडे यांचा कायदेशीर प्रक्रियेनंतर नाश केला. ही प्रक्रिया कराड येथील जैव कचरा निर्मूलन प्रकल्पाच्या भट्टीमध्ये संबंधित विभागांच्या अधिकाऱ्यांच्या उपस्थितीत पार पडली.

पोलीस अधीक्षक श्री. निखील पिंगळे यांच्या अध्यक्षतेखाली सातारा जिल्ह्यात अंमली पदार्थ नाश समिती कार्यरत असून समितीमध्ये उपविभागीय पोलीस अधिकारी श्री. शिरीष शिंदे, पोलीस उपअधीक्षक (गृह) श्री. कृष्णकुमार जाधव व पोलीस निरीक्षक श्री. विश्वजीत घोडके हे सदस्य आहेत.

सातारा जिल्ह्यातील 14 पोलीस ठाण्यांमधील 17 गुन्ह्यांतील जप्त मुद्देमालाचा इन्व्हेंटरी पंचनामा, रासायनिक विश्लेषण व न्यायालयीन प्रक्रिया पूर्ण झाल्यानंतर हा अंमली पदार्थ नष्ट करण्यात आला. या प्रक्रियेसाठी न्याय सहायक प्रयोगशाळा, गणेशखिंड (पुणे), महाराष्ट्र प्रदूषण नियंत्रण मंडळ, वैधमापन शास्त्र विभाग, तसेच दोन शासकीय पंच उपस्थित होते.

कारवाईत सहभागी अधिकारी

• श्री. निखील पिंगळे – पोलीस अधीक्षक, सातारा (अध्यक्ष)
• श्री. शिरीष शिंदे – उपविभागीय पोलीस अधिकारी
• श्री. कृष्णकुमार जाधव – पोलीस उपअधीक्षक (गृह)
• श्री. विश्वजीत घोडके – पोलीस निरीक्षक, स्थानिक गुन्हे शाखा
• श्री. श. भा. गटकळ – सहायक रासायनिक विश्लेषक, पुणे
• श्रीमती अर्चना जगदाळे
• श्री. डी. व्ही. तेलंग – निरीक्षक, वैधमापन शास्त्र
• श्री. राहुल पवार – व्यवस्थापक, जैव कचरा निर्मूलन प्रकल्प, कराड

तसेच स्थानिक गुन्हे शाखेचे पोलीस अंमलदार अतिश घाडगे, संजय शिर्के, विजय कांबळे, साबीर मुल्ला, मुनीर मुल्ला व इरफान मुलाणी यांनी या कारवाईत सहभाग घेतला.

ठळक मुद्दे

• 17 गुन्ह्यांतील जप्त मुद्देमालाचा नाश
• 509 किलो अंमली पदार्थ नष्ट
• एकूण किंमत : ₹64,13,147/-
• कराड येथील जैव कचरा निर्मूलन प्रकल्पात प्रक्रिया पूर्ण
• सर्व कायदेशीर व वैज्ञानिक प्रक्रिया पूर्ण करून नाश