धनंजय जांभळे यांचे नगरसेवक पद धोक्यात फसवणूकीचा गुन्हा दाखल करून अपात्र करा – सुशांत मोरे

आरोग्य सभापती धनंजय जांभळे यांनी निवडणूक शपथ पत्रात संपत्तीची माहिती लपवून फसवणूक केली आहे याकमी त्यांचेवर गुन्हा दाखल करून अपात्रतेची कारवाई करावी अशी कागदोपत्रि पुराव्यासहित तक्रार श्री संतोष पाटील जिल्हाधिकारी यांचेकडे सामाजिक कार्यकर्ते सुशांत मोरे यांनी दिली आहे.

जांभळे यांचे काम कमी आणि बडबड जास्त असे उद्योग सुरु आहेत. नगरपालिकेच्या कचरा डेपोला आग लागलेंनंतर ती विझवताना केलेल्ल्या कामाची बिले ही संशयच्या भोवऱ्यात आहेत. शहरात आरोग्य विभागाचे काम समाधानकारक नाही. भटक्या कुत्र्यांचा उच्छाद वाढला आहे. मात्र त्यांना ठोस उपाययोजना केल्या जात नाहीत. एकूणच कार्य पद्धती असमाधानकारक असल्याची नगरपालिका वर्तुळत चर्चा आहे. त्याच वेळी निवडणूक शपथ पत्रात दिलेल्या संपत्ती च्या विवरण पत्रात त्यांनी कन्हेर ता. जी. सातारा येथील गट / उपविभाग क्र. 51/2 या स्थावर मिलकतीची ची नोंद शपथ पत्रात घातली नाही त्यांनी या जमिनीची माहिती लपवली आहे. या जमिनीचा 7/12 उतारा तक्रार अर्जसोबत जोडला आहे.

ही संपत्ती आयकर विवरण पत्रात त्यांनी दाखवली आहेबका नाही, ही संपत्ती खरेदी करताना ज्ञात स्रोत उत्पन्नतून केली आहे कि बेकायदेशीर स्रोत मधून आली आहे याचीही चौकशी होणे गरजेचे आहे. जांभळे हे दुसऱ्यांदा नगरसेवक झाले आहेत. अनुभवी आहेत. त्यामुळे कोणती माहिती द्याची आणि कोणती लपवायची याचे त्यांना ज्ञान आहे. जाणीवपूर्वक माहिती लपवून सरकारचे आणि जनतेची त्यांनी फसवणूक केली आहे. त्यांचे वागणुकी मुळे पक्ष आणि सातारचे लोकप्रतिनिधी ही बदनाम होत आहेत. आरोग्य सभापती पदाचा राजीनामा देऊन त्यांनी चौकशीला सामोरे जावे. जांभळे यांनी पदभार स्वीकारले पासून आज अखेर किती बिले काढली तेवढी कामे झाली का याच ऑडिट होणे गरजेचं आहे. राज्याचे सार्वजनिक बांधकाम मंत्री ना. श्री. छ. शिवेंद्रसिंहराजे भोंसले यांनी लक्ष घालून या कामांचे आणि बिलाचे ऑडिट करावे याचे ही पत्र आम्ही दिले आहे.